Алијоски стрелец во победата на Лидс

Македонскиот репрезентативец во дресот на Лидс, Езџан Алиоски постигна гол во победата на неговата екипа во дуелот од 17.коло од Чемпионшип лигата во Англија. Лидс го совлада Мидлсброу со 2:1 и со тоа ја прекина серијата од три натпревари со порази, а воедно со 26 бодови се изедначи на табелата со денешниот ривал на делба од 6 до 8 место, каде се наоѓа и екипата на Дерби Каунти.

Алиоски голот го постигна во 54.минута за водство на неговиот тим од 2:0, откако претходно стрелец на првиот гол за Лидс беше Пабло Хернандез. Голот за Мидлсброу го постигна Брит Асомбалонга од пенал во 78.минута.

Ова за Алиоски е трет гол во лигашките натпревари, а втор на последните два натпревара.