Австрија убедливо ја совлада Романија

Ракометната репрезентација на Австрија убедливо ја победи Романија со 31:24 на отворањето на групата Б на Европското првенство.

Австрија ја предводеше Себастијан Фримел со шест гола, а Лукас Хутечек и Тобијас Вагнер постигнаа по пет. Кај Романија најдобар беше Демис Космин Григорас со шест гола. Даниел Станчиуч и Јосиф Андреј Бузле погодија четири пати.

Следниот натпревар Австрија го игра в недела против Хрватска, додека Романија ќе игра против Шпанија.