Червар: Сè освен медал е неуспех

Најуспешниот Хрватскиот ракометен селектор Лино Червар смета дека се освен освојување медал на овогодинешното Европско првенство во Германија би било неуспех.

„Ѕвездата водилка секогаш е медал, мојата цел беше секогаш да победувам и да бидам подобар од противникот. Така мислам сега. Репрезентацијата сега ја сочинуваат повеќе млади играчи, гладни за победи, но мора да бидеме паметни на во исто време затоа што со една скромност можеме да победиме секого“, рече Червар, додавајќи дека хрватските ракометари мора да бидат свесни дека нема да им биде лесно на ниту еден натпревар.

„Шпанија има многу добри играчи, но мислам дека тие се во мал пад во моментов. Едноставно нема да биде лесно, не смееме никого да потценуваме, а камоли Шпанија, но со голема поддршка од трибините можеме да постигнеме успех. “, изјави поранешниот хрватски селектор, кој смета дека исходот од мечот против Шпанија нема да го одреди продолжението на ова натпреварување бидејќи, како што рече, „ќе има потешки натпревари, но победа на овој меч би му донела на Хрватската репрезентација добар ветер во грб“.

„Денес сите знаат да играат ракомет, тоа веќе стана фраза. Затоа, треба полека да одиме од натпревар во натпревар, треба да имаме самодоверба, да бидеме сигурни во себе и на крајот да бидеме амбициозни. Затоа што ако имате висока цел, сигурно ќе направиш голем резултат, ако целите ти се ниски, ќе постигнеш скромни и ниски резултати“, рече Лино Червар.

„Верувам во младите луѓе и затоа мислам дека нашиот успех на ЕП е само медал. Друго не ме интересира, бидејќи кога имаш играчи кои играат во најдобрите клубови и лиги во Европа како Дувњак. , Циндриќ и други, тогаш и нашите мора да бидат такви амбициите.Секогаш ја повторувам истата теза – во спортот не секогаш победува кој е подобар, туку репрезентацијата која што знае да игра перфектно.Верувам во тактика и работа“, потенцираше Лино Червар.

„Кога некој ќе ме праша каков е успехот од одличните резултати на репрезентацијата под мое водство и освоените дури девет медали, јас секогаш одговарам исто – срцето и карактерот на еден ракометар. Тоа е најважно бидејќи јас сум личност или тренер кој повеќе гледа на умот отколку на телото и отсекогаш сум проучувал како можат да влијаат на главата на играчот“, заклучи Червар.

Коментирајќи ја одличната атмосфера во Меркур-Шпил арената во Дизелдорф, каде натпреварот помеѓу Германија и Швајцарија го следеа 53.586 гледачи, со што беше поставен нов светски рекорд кој тешко ќе се собори, Червар истакна дека ретко која земја може да си го дозволи тоа.

„Во 2020 година, кога го освоивме среброто во Стокхолм, имаше 20.000 гледачи, но ова во Германија е нешто што навистина треба да се почитува. Ракометот е спорт број еден во Германија после фудбалот, и секако беше одличен и фантастичен промотивен потег. Но да, за да го подигнеме ракометот на уште повисоко ниво, потребна ни е доследност во другите ракометни елементи и работи“, изјави Лино Червар.