Дали го убиваат шармот на Лигата на шампионите? УЕФА подготви шокантна одлука за фудбалскиот свет

Европската фудбалска федерација (УЕФА) подготви прилично шокантна одлука за фудбалскиот свет.
Според информациите до кои дојде мадридскиот весник АС, чадор-куќата на европскиот фудбал е подготвена организацијата на финалето на Лигата на шампионите да им ја даде на Соединетите Американски Држави.

УЕФА наводно е подготвена на овој чекор. На оваа тема се разговараше и претходно, а за вакво нешто искажа подготвеност и самиот претседател на УЕФА, Александар Чеферин.

„Мораме да разговараме за тоа. Можеби тоа е добра идеја за во иднина. Одењето од Португалија во Азербејџан е исто како да одите во Њујорк. Нема да има никакви проблеми за навивачите“, изјави Чеферин пред неколку години.

А таа „иднина“ очигледно пристигна. Наводно, финалето на Лигата на шампионите во 2024 година би можело да биде преместено од лондонскиот Вембли во Њујорк.

Сè уште нема официјални одлуки. Сепак, таму каде што има чад има и оган и нема да биде изненадување ако финалето на Лигата на шампионите го гледаме директно од Њујорк.

Парите се најважни во секој случај. Интересот од Соединетите Американски Држави за организирање на ваков настан е огромен, а финансиски УЕФА сигурно би се снашла навистина фантастично.

Евентуалната организација на финалето на Лигата на шампионите во Њујорк во 2024 година би била одлична најава за Светското првенство во фудбал на кое Америка ќе биде домаќин во 2026 година заедно со Мексико и Канада.

Фудбалот во САД е во голема експанзија. Бројни големи ѕвезди доаѓаат да играат во МЛС, а репрезентацијата на оваа земја одамна е многу почит.

Доаѓањето на Лигата на шампионите дополнително би го зголемило интересот, но би ги разочарало и фудбалските фанатици во Европа. Сепак, Лигата на шампионите е нешто што е поврзано со Стариот континент.