Десетката на Реал уште само оваа сезона на дресот на Модриќ

Реаал Мадрид го чува дресот со број 10 за младата француска ѕвезда, пренесуваат некои шпански медиуми.

Реал Мадрид имаше необично лето – остана без Кристијано Роналдо, а сите донесени засилувања не се онакви како што сакаа навивачите. Не успеаа да го доведат Еден Азар, Хари Кејн, Мохамед Салах или некоја друга супер ѕвезда, никој достоен да го надомести недостатокот на Роналдо.

Но „Дон Балон“ пишува дека актуелниот европски шампион е подготвен следното лето да го направи она што не го направи ова лето – да купи супер ѕвезда. Наводно Реал Мадрид одлучи да го купи Килијан Мбапе, француската ѕвезда која го носи дресот на ПСЖ.

Мбапе е голема желба на претседателот на Реал Флорентино Перез и ќе направи се за следното лето да го доведе фудбалерот кој би можело да биде долгогодишно решение на „Кралевите“ во нападот.

Покрај тоа, шпанските медиуми пренесуваат дека Реал го чува дресот со број десет за Мбапе и самиот фудбалер е свесен за тоа. Десетката сега му припаѓа на Лука Модриќ, но судејќи по се, хрватскиот фудбалер од средниот ред ќе ја одработи последната сезона на „Сантијаго Бренабеу“, а и ова лето беше на прагот на заминувањето од шпанскиот великан.