Еибар е мајстор за трансфери – 30 милиони евра профит од второлигашки фудбалери

Еибар веќе пет години е во Ла Лига натпреварувајќи се со најголемите шпански клубови и иако секогаш е блиску до зоната за испаѓање, тој може да се смета за мајстор на трансфери со малку пари засилувајќи го тимот без многу средства.

Тренерот Фран Гарагарза знае како евтино да добие фудбалери, понекогаш и бесплатно, а да ги продаде за добра заработувачка. Кеко Гонтан, Серхи Енрих, Флоријан Лежеун, Иван Алехо, Рубен Пења и Марко Дмитровиќ дојдоа во Еибар од клубови од Сегунда и додека Енрих, Дмитровиќ и Пења остануваат ’рбетот на тимот, другите заминаа за вкупна сума од 19 милиони евра, а нивното ангажирање го чинеше клубот 1,8 милион евра.
Гонтан дојде бесплатно во клубот и замина за 5 милиони евра подоцна во Малага. Лежеун му се приклучи на Еибар за 1,5 милион евра, за една година подоцна Њукасл да плати 10 милиони евра, но рекордер е Жоан Жордан, кој го доби за 1,5 милион евра, а му го продаде на Севилја за 12 милиони евра. Вкупно, Еибар се засили со 16 фудбалери од Сегунда во последните пет години.

.