ФОТО: Со посебен дрес код и стил, фудбалерите стигнаа во Букурешт

Бела маичка, тегет сако и пантолони. Со посебен дрес код и стил македонската фудблска репрезентација полета, а сега и веќе пристигна во Букурешт каде што е дел од Европското првенство во фудбал 2020 (ЕУРО 2020).

Веќе речиси две седмици македонските фудбалери тренираа во главниот град на земјава, а сега комплетни отпатуваа за Романија. Игор Ангеловски на располагање ги има сите 26 репрезентативци кои ги одбра, откако викендов во тимот се врати и Енис Барди кој беше позитивен на ковид-19. По направени тестови на ковид-19, резултатите се негативни на сите членови на експедицијата, што може само да радува пред големиот настан.