Кошарка
Историски: Таткото и синот Џејмс заедно во Лејкерс
17-кратниот НБА шампион ЛА Лејкерс направи историски потег! „Езернијаци“ ги собраа во еден тим големата ѕвезда Леброн Џејмс и неговиот син Брони.
Младиот кошаркар беше избран на 55-то место на НБА драфтот. Така од новата сезона ќе го носи истиот тим како и неговиот 40-годишен татко. Тие ќе бидат првите татко и син кои ќе играат во ист НБА тим.
Брони претходно играше за УСЦ на позицијата шут (4,8 поени на 36% шут и 2,8 скока), а неодамна работеше и со Лејкерси, па неговиот избор не е изненадување.
Според медиумите во САД, на овој начин клубот се обидува да го задржи 4-кратниот шампион и освојувач на 4 награди за најкорисен играч во НБА Леброн. Минатата сезона играше на 71 натпревар, со просек од 25,7 поени по натпревар.
Сепак, фановите не се задоволни од изборот. Во јули 2023 година, Брони доживеа срцев удар додека тренира. Тој сега е целосно закрепнат и подготвен за игра, но навивачите веруваат дека Лејкерси го потрошиле изборот на драфтот на маркетиншки трик.
The 2024 #NBADraft presented by State Farm is complete! pic.twitter.com/9a9Ut5FmBe
— NBA Draft (@NBADraft) June 28, 2024
Брони е роден во 2004 година и е најстариот син на Леброн и неговата средношколска љубов и од 2013 година законска сопруга Савана. Нивниот втор син, Брус (17 години), исто така игра кошарка на ниво на колеџ. Најмладата во семејството е ќерката Зури, која има само 9 години.
