Јувентус ја одби понудата од Манчестер Јунајтед

Во пресрет на летниот преоден рок Јувентус уште при првиот контакт ја одби понудата од Манчестер Јунајтед за трансфер на Даглас Коста.

Бразилскиот репрезентативец беше еден од приоритетите на Жозе Мурињо во поглед на засилувањата за новата сезона, но менаџерот на Манчестер Јунајтед ќе мора да бара нова опција за освежување на тимот.

Старата дама не сака да се откаже од 27-годишниот Бразилец, кој минатата сезона настапуваше како позајмен играч од Баерн и најави дека е подготвена на Баварците да им плати 40 милиони евра за целосно откупување на договорот.

Даглас Коста сезонава во дресот на Јувентус одигра 47 натпревари во сите конкуренции, постигна шест гола и имаше 14 асистенции.