Connect with us

Други спортови

Колку ќе заработат Мајк Тајсон и Џек Пол од натпреварот кој сите со нетрпение го очекуваат оваа недела

Нe делат само три дена од враќањето на легендарниот боксер Мајк Тајсон во рингот, а апсурдниот меч против Џек Пол сигурно ќе привлече голем број гледачи од целиот свет.

Тоа го поткрепува и вкупниот хонорар за овој натпревар кој според повеќе извори изнесува вртоглави 80 милиони долари. На Тајсон му се гарантирани 20 милиони долари, додека на 31 година помладиот Пол 40 милиони. Останатите 20 милиони може да бидат наменети за Мајк во случај на победа или да одат кај организаторите и другите актери на овој настан.

Самиот меч е доста контроверзен, особено поради возраста на боксерската легенда, но се чини дека некој реши добро да го плати овој настан. Да потсетиме, во ноќта од петок кон сабота Тајсон ќе го има првиот професионален меч по речиси цели две децении. Мајк ги закачи ракавиците во 2005 година, барем што се однесува до неговата професионална кариера, бидејќи пред четири години направи егзибициски меч против Рој Џонс Јуниор.