Лејкерс не се откажале од Ленард

Лос Анџелес Лејкерс не се откажале од Каваи Ленард, но според „ЕСПН“, тие не се брзаат да постигнат договор по секоја цена.

Иднината на 27-годишната ѕвезда на Сан Антонио се уште е нејасна, бидејќи има индикации дека сака да ја напушти својата сегашна екипа и да игра на друго место, најверојатно во Калифорнија.

Тренерот на Спарсм Грег Поповиќ се состана со Ленард, но дури и тоа не го убеди Каваи да се премисли. Тимот од Тексас ги слушнал понудите на неколку различни тимови, но тие сепак не предизвикале интерес кај раководството на клубот, тврдат од изданието.

Некои од нив се повлекле од преговорите, бидејќи ако не потпише повторно со Спарс, Ленард ќе биде слободен агент следното лето. Тој самиот навестил дека може да одмора цела сезона, за да ја исполни својата цел и да потпише со тим од Л.А. во 2019 година.