Најдобриот играч на Милан се повреди

Рафаел Леао (24), најдобриот играч на Милан поради повреда ќе отсуствува најмалку три недели, потврди италијанскиот клуб. Во последниот првенствен натпревар, кога Милан поведе од 2:0 кај Лече и освои само бод играјќи 2:2, се повреди Португалецот, кој постигна четири гола и четири асистенции во сите натпреварувања оваа сезона.

Леао го напушти теренот во десеттата минута поради повреда на десниот бутен мускул и ќе отсуствува најмалку три недели, што значи дека Милан ќе биде без него во клучниот натпревар од групата Ф во Лигата на шампионите. Се работи за натпревар со Борусија Дортмунд на 28 ноември во четвртото коло.

На Милан му е потребна победа за да го престигне ривалот во поредокот и да се стави во добра позиција да се пласира во осминафиналето пред последното коло. Во групата води Борусија Дортмунд со седум бодови, ПСЖ има шест, Милан пет, а последниот Њукасл има четири бода.