Фудбал
Од врвот до дното-Ливерпул го плати 41.000.000 евра, беше репрезентативец, а сега ќе игра на аматерско ниво за згаснатиот гигант
Поранешниот англиски репрезентативец, Енди Керол (35) стана новото засилување на славниот Бордо, кој неодамна поради банкрот беше префрлен во четвртиот ред на францускиот фудбал.
💥 MERCATO 💥
Welcome @AndyTCarroll 😉 Le club 🔵⚪ est enchanté d'accueillir l'attaquant international anglais 🏴
Une très grande expérience du haut niveau avec près de 4️⃣5️⃣0️⃣ matches pros, un renfort de choix pour l'attaque bordelaise ! pic.twitter.com/QQfFC4sM7h
— FC Girondins de Bordeaux (@girondins) September 18, 2024
Керол минатата сезона настапуваше за францускиот Амиен, каде на 35 настапи постигна само четири гола, но нема сомнеж дека напаѓач со негова репутација добро ќе им се најде на борбените жирондинци во четвртиот ред на натпреварување.
Високиот напаѓач може да се пофали со многу богата фудбалска биографија, бидејќи во текот на кариерата забележа дури 248 настапи во англиската Премиер лига, бранејќи ги боите на Њукасл, Ливерпул и Вест Хем. Тој постигна вкупно 54 гола во елитното натпреварување на англискиот фудбал, а своевремено Ливерпул плати дури 41.000.000 евра за неговиот трансфер од Њукасл.