Паоло Малдини ги именуваше тројцата најдобри играчи кои ги видел во кариерата, само еден игра и денес

Легендата на Милан и на италијанската репрезентација, одличниот Паоло Малдини ги избра тројцата најдобри играчи кои ги виде во текот на својата многу успешна кариера.

Како играч, Малдини ја делеше соблекувалната со великаните на светскиот фудбал, на некои гледаа како на момче заљубено во боите на Милан, каде ја помина целата своја кариера и за кого денес врши одлична работа во улогата на спортски директор. .

Малдини имаше и многу силни противници играјќи со Милан во најголемите натпревари. Сега отворено призна дека Меси, Марадона и Роналдо се тројцата најдобри што ги видел во кариерата.

Само еден од нив е се уште активен – Меси, кој досега во клупската кариера одигра 824 натпревари и постигна 690 гола со 326 асистенции.

Другите двајца играчи кои ги нарече најдобри се Аргентинецот Диего Марадона и Бразилецот Роналдо. Првиот почина на 25 ноември 2020 година. Во клупската кариера билансот му е: 343 натпревари, 159 голови и 79 асистенции. Во аргентинската репрезентација настапи 90 пати и постигна 34 гола.

Роналдо има уште поимпресивен настап во тимовите. За Бразил одигра 99 натпревари, постигна 62 гола и имаше 17 асистенции. Голем е и неговиот клупски рекорд: 452 натпревари, 295 гола и 75 асистенции.

Што се однесува до Малдини, тој за „росонерите“ играше како сениор цели 24 години, а вкупно забележа 647 настапи и постигна 29 гола. Седум пати беше шампион на Италија, а пет пати ја освои Лигата на шампионите. Бројот 3 што го носеше е во пензија.

Во 2019 година Малдини стана технички директор на Милан. Во јуни оваа година го прослави најголемиот успех во последните години – освојувањето на италијанското првенство. Како играч беше посветен на својот клуб и перфектен на теренот, а подеднакво добро ја врши работата и сега кога дресот го замени со одело.

Неговиот Милан конечно се врати на патеките на старата слава, две години по ред игра во Лигата на шампионите, а ќе се обиде да го одбрани Скудетото во актуелната сезона во која тимот е на четвртото место со 17 бодови.

Во среда, Милан ќе има многу тежок натпревар кој гостува кај Челзи на Стемфорд Бриџ во 3. коло од Лигата на шампионите. Во првите две кола клубот освои четири бода, откако го совлада Динамо на Максимир и освои бод на гостувањето кај Салцбург.