Реал или Барса, кој ќе стигне прв до Пјаниќ?

Фудбалерот од среден ред Јувентус, Миралем Пјаниќ е на мета на двата најголеми светски клубови.

Шампионот на Шпанија и шампионот на Европа, Барселона и Реал Мадрид, наводно, се заинтересирани за Пјаниќ, кој имаше уште една фантастична сезона во Торино.

„Sky Sport“ и „Sport“ денеска објавија информација дека во Реал Мадрид го гледаат како замена за Лука Модриќ, додека француската веб – страница „Onze Mundial“ објави дека Барселона е подготвена да преговара со Јувентус.

Пијаниќ има договор со Јувентус до 2021 година, а пристигна во 2016 година кога Јуве ја употреби клаузулата во договорот и за 32 милиони евра ги купи од Рома.

Странските медиуми забележуваат дека Пјаниќ е мајстор за слободни удари, има одличен преглед на играта и зборува неколку јазици, па нема да имаат проблем со адаптацијата ако дојде до трансфер.

Се претпоставува дека Јувентус го вреднува Пианиќ околу 65 милиони евра, и се чини дека ова не е бројка што би ги спречила Реал или Барса да го ангажира.