Сари е одушевен од Луиз: Подобар е отколку што мислев

Менаџерот на Челзи Маурицио Сари го пофали бразилскиот стопер Давид Луиз.

Луиз не беше често во плановите на Антониот Конте, но кај Сари е редовен и италијанскиот стручњак се прашува како може некој да се сомнева во Бразилските квалитети.

„Пред две сезони беше еден од главните играчи, потоа пред шест месеци воопшто не играше и беше замена. Тој е некој кој дирекно го кажува она што има да го каже. Ако има нешто да ми каже, само нека дојде и нека го направи тоа. Јас го почитувам тоа кај луѓето“, рече Сари, па додаде:

„Кога дојдов, имав чувство дека Луиз е многу добар играч и дека ќе одговара на мојот стил. Технички е поткован централен бек. Кога го запознав, почнав да ги ценам неговите човечки квалитети. Подобар е отколку што замислував“.