Сократис само што пристигна и веднаш го “украде” бројот на Колашинац

Сократис Папастатопулос вчера беше официјално претставен како нов играч  на Арсенал кој пристигна од Борусија Дортмунд.

Овој 30-годишен дефанзивец треба да ја засили одбраната на Арсенал со која потпиша долгогодишна соработка. Сократис успешно ги помина медицинските прегледи, по што немаше проблем да потпише договор со Арсенал.

Топџиите потоа потврдија на нивната официјална веб-страница дека Сократис ќе го носи бројот пет на дресот, а според англиските медиуми, Сеад Колашинац неодамна изрази желба да го добие тој број.

Колашинац пристигна во Арсенал минатото лето од Шалке, а го носеше дресот со бројот 31, бидејќи неговата “петка” во тоа време не беше слободна. Иако се надеваше дека ќе го добие тој број ова лето, тоа нема да се случи.