Српските ракометари во неверојатен натпревар одиграа нерешено против фаворитот од групата

Српските ракометари во неверојатен натпревар ремизираа со Исланд на отворањето на групата Ц на Европското првенство. Заврши 27:27, иако Србите водеа со три разлика на минута и пол пред крајот, а на неполна минута до крајот имаа водство од два поени и напад.

Србите не го искористија тој напад, а Арон Палмарсон брзо погоди за Исланд, чии ракометари потоа тргнаа во висок пресинг за да се обидат да ги натераат Србите на грешка. Успеаа, Палмарсон прекина едно додавање, а потоа му ја додаде топката на Сигвалди Бјорн Гудјонсон, кој погоди на три секунди до крајот за конечни 27:27.

Кај Исланд најдобар беше Бјарки Мар Елисон со седум гола, а Гудјонсон постигна еден помалку. Драган Печмалбец со пет гола ги предводеше Србите, а Петар Ѓорѓиќ четири пати ја погоди мрежата. Групата Ц се очекува да биде најрамноправната во првенството, а првиот меч тоа го оправда. Србија може да биде задоволна што му зеде бод на фаворитот во групата, но тешко дека ќе ја утеши бидејќи беа на дофат на победа.