Тен Хаг почна да размислува за стратегијата без Роналдо, сака ова чудо од дете да го замени

Кристијано Роналдо сака да го напушти „Олд Трафорд“ ова лето, а тренерот Ерик тен Хаг веќе почна да размислува за стратегијата на клубот без португалската ѕвезда.

Тој веќе има на ум потенцијална замена.

Станува збор за Флоријан Вирц, 19-годишник од Баер Леверкузен. Младиот фудбалер важи за еден од најперспективните во светот, а „црвените ѓаволи“ го следат од пред две години, пишува Франс прес.

Виртц му се допаѓа и на тренерот Ерик тен Хаг, а Холанѓанецот заедно со раководството на клубот смета дека е поволен момент за германскиот интернационалец да направи чекор кон клубот од Олд Трафорд.

Минатата сезона постигна десет гола и додаде 14 асистенции на 31 настап во сите натпреварувања.

Сепак, поранешниот ас на Манчестер Јунајтед, Рио Фердинанд, смета дека само Левандовски може да го замени Роналдо.

“Единствената личност која може да го замени, на која би му верувал, кој веројатно е способен да го направи тоа, е Левандовски. Но, се чини дека неговото срце е вперено во Барселона ако може да ја заврши оваа работа. Единствениот начин да замине Роналдо е Јунајтед да земете го Левандовски, а потоа Роналдо може да си замине.

Само така гледам. Ако Јунајтед не може да добие замена која ќе постигне 20 или 25 гола следната сезона, освен Левандовски или некој друг што може да се земе, не гледам да се случи заминувањето на Роналдо“, изјави Рио Фердинанд.