Торес откри кој бил најдобриот соиграч во неговата кариера

Легендарниот шпански напаѓач Фернандо Торес неодамна соопшти дека ја завршува својата кариера.

Торес во својата кариера настапуваше за Атлетико Мадрид, Ливерпул, Челси и Милан, а од минатата сезона го носеше дресот на јапонски Саган. Шпанецот во текот на својата кариера играше со големи имиња во светот на фудбалот, а сега откри кој бил неговиот најдобар соиграч.

„Секогаш велам дека најдобриот играч со кого што сум играл е Стивен Џерард. Тоа беше играч кој ја надогради мојата игра. Мислам дека моето ниво влезе во друга димензија кога бев со него на теренот“, изјави Торес и додаде:

„Тоа беа неверојатни три и пол години играње заедно со Стивен и би сакал да се вратам во тие денови барем на една минута“, изјави Торес.

Извор: Точка