Фудбал
Валенсија го привлече Кондогбија
Џофри Кондогбија потпиша со Валенсија, потврди шпанскиот клуб.
Договорот на 25-годишниот играч од средниот ред е до крајот на сезоната 2021-2022.
Кондогбија игра на изнајмување од Интер Милано во Валенсија од 2017 година и „бело-црните“ ја искористија можноста да го откупат неговиот договор.
Играчот од средниот ред е поранешен фудбалер на Севиља, Монако и Ленс. Тој, исто така, одигра пет натпревари со тимот на француската репрезентација.
Цената на Кондогбија е 25 милиони евра. Валенсија ќе учествува во Лигата на шампионите следната сезона.