Влаховиќ: Споредби со Роналдо? Да не претеруваме

Јувентус вчера го победи Лече со 3:0 со два гола и добрата партија на Душан Влаховиќ. На последните пет натпревари српскиот напаѓач постигна шест гола и асистираше една, а оваа сезона има 11 гола од 19 првенствени натпревари. Неговите голови вчера му ја донесоа на тренерот Масимилијано Алагри 300-та победа во лигата во неговиот 491-ви натпревар во Серија А.

Јувентус со оваа победа барем за кратко го презеде врвот во италијанскиот шампионат. Има бод повеќе, но и натпревар повеќе од второпласираниот Интер и големи седум бода предност пред третопласираниот Милан. По средбата Влаховиќ беше споредуван со Кристијано Роналдо.

„Да не претеруваме“, одговори Влаховиќ на споредбата со легендарниот стрелец под кого Јувентус освои две првенствени титули и четири трофеи од 2018 до 2021 година.

“Среќен сум поради двата постигнати гола, но немаше да ги постигнам да ја немав помошта од соиграчите. Им благодарам, да продолжиме вака. Ова беше важна победа”, додаде тој.