Во Реал има и такви на кои не му недостасува Кристијано Роналдо

Кристијано Роналдо со години беше движечка сила на Реал Мадри, но ова лето реши да го напушти клубот и дресот на “Кралевите“ да го замени за оној на „Старата дама“.

Јасно е дека Реал тешко ќе го надомести заминувањето на еден од најдобрите играчи на светот, а некои ѕвезди на Мадридскиот клуб јавно зборуваа за тоа дека Португалецот и сега му недостасува на екипата.

Сепак, Реал и без Роналдо одлично ја започна новата сезона, а еден од оние кои сметаат дека Португалецот не му недостасува на Реал е Иско.

Иако Роналдо со импресивна статистика ја напушти Шпанија, играчот од средниот ред на Реал, Иско се уште не го чувствува недостатокот на овој одличен фудбалер во екипата од „Сантијаго Бернабеу“.

„Кристијано е вонсериски играч, тој постигнува по 40 или 50 голови по сезона… Но ако победуваме тогаш не ни недостасува. Ако не победувавме тогаш ќе се зборуваше дека не можеме без него“, изјави Иско за италијанската новинарска агенција „ANSA“.

„Засега играме навистина добро, играчите кои не постигнуваа многу голови сега тоа можат да го направат. Така да, ни оди и без Кристијано, но секако дека му посакувам се најдобро“, додаде Иско.