Аморим: Јас го имам последниот збор за трансферите

Менаџерот на Манчестер Јунајтед, Рубен Аморим, истакна дека клубот нема да прави трансфери без негова согласност.

Во текот на преговорите за неговото назначување било договорено секое ново засилување да биде лично одобрено од португалскиот стручњак.

-За секој играч кој доаѓа во тимот, јас морам да го кажам последниот збор. Тоа беше јасно од самиот почеток. Се обидуваме да ги најдеме вистинските играчи со вистинските квалитети за Премиер лигата – млади, амбициозни и гладни за успех, додаде тренерот на „црвените ѓаволи“.