Аморим за Рашфорд: Попрво ќе го ставам да игра тренерот на голманите, отколку него!

Фудбалскиот клуб Манчестер Јунајтед синоќа го совлада Фулам со 1-0, а Маркус Рашфорд повторно не беше дел од таа победа. Тренерот на Манчестер Јунајтед, Рубен Аморим повторно беше прашан зошто отсуствува Рашфорд, а медиумите добија многу остар одговор…

– Секогаш е истата причина. Причината е тренингот. Што мислам дека еден фудбалер треба да прави на тренинзите, во животот, секој ден. Ако работите не се сменат, јас нема да се сменам… Подобро да ми игра Витал (тренер на голманите), отколку играч кој не го дава најдоброто од себе. Тоа сигурно нема да го сменам“, изјави Аморим.