Анчелоти не повикал ниту еден играч на Реал Мадрид за репрезентативниот собир на Бразил
Фото: tv21m
Селекторот на фудбалската репрезентација на Бразил, Карло Анчелоти, денес го објави списокот на играчи за претстојните натпревари од јужноамериканските квалификации за Светското првенство.
Бразил во септември ќе игра против Чиле и Боливија, а ова е втор список на Анчелоти откако ја презеде селекторската функција.
Она што ги изненади многумина е тоа што ниту еден од четворицата играчи на Реал Мадрид – Винисиус Жуниор, Родриго, Едер Милитао и Ендрик – не се најде на списокот. Го нема ни Нејмар, кој моментално игра за Сантос.
Отсуството на Родриго и Винисиус беше очекувано, бидејќи Бразил веќе обезбеди пласман на Светското првенство 2026, а селекторот одлучи да им даде шанса на други фудбалери и да види на кого може да смета за Мундијалот.
Од странство, повикан е само капитенот Рафиња, а покрај тоа, Винисиус е суспендиран за првиот натпревар.
Бидејќи патувањето на голема надморска височина во Боливија би претставувало дополнителен напор, одлучено е да биде поштеден.
Милитао дури неодамна ја залечи повредата, па селекторот не сакаше да ризикува. Ендрик сè уште е повреден.
