Антонели: Во Мадрид победивме и со малку среќа, во Ф1 мораш да го искористиш секој момент во своја корист

Во трката во Шпанија, одржана за првпат на новата патека во Мадрид, пилотот Кими Антонели ја забележа својата осма победа на сезоната во Формула 1. Сепак, за разлика од претходните победи, овој успех за новиот лидер на шампионатот дојде главно благодарение на среќата.

Италијанецот го презеде водството во трката благодарение на одлучувачки пресврт на настаните: кога комесарите на трката ја активираа „Виртуелната безбедносна кола“. Во тој момент, Антонели влезе и ги смени гумите, додека Ландо Норис кој водеше се наоѓаше на стартно-финиш правецот.

Со оваа победа, Антонели ја зголеми својата предност во шампионатот пред Расел, но пилотот од Болоња имаше посмирена реакција: „Сигурно дека тоа не беше начинот на кој сакав да победам. Мислам дека заслужив второ место. Норис ја заслужи победата и ми беше жал за него“.

“Комуникацијата со тимот беше клучна кои ме известија и се обидов да ја успорам малку брзината во последниот сектор за да видам дали можам да го фатам токму пред влезот во боксовите. Понекогаш среќата ти се смее и овој пат работите одеа во наша корист”, рече Антонели.

“Последните кругови не беа лесни, особено тие поминати зад Леклер. Не знаев дали треба да вршам притисок или да ги зачувам гумите. Беше деликатна ситуација, но морам да кажам дека покажав многу трпение. Откако тој влезе во боксовите, имав слободна патека пред мене и успеав да го најдам мојот ритам”, рече пилотот на Мерцедес.

“Уште не размислувам за титулата. Остануваат уште осум или девет трки, затоа морам да продолжиме да го даваме најдоброто. Никогаш не се знае како можат работите да се одвиваат, затоа е важно секогаш да го даваме максимумот”, рече Антонели.