Барселона и Реал Мадрид – Мурињо како катализатор на тензиите во „Ел Класико“

Изминаа 13 години од завршувањето на првата авантура на Жозе Мурињо со Реал Мадрид. Португалецот освои еден Куп на кралот, едно првенство и еден Суперкуп на Шпанија, додека Барселона во истиот период триумфираше во две првенства, една Лига на шампиони, два Суперкупа на Шпанија, еден Куп на кралот, еден Суперкуп на Европа и едно Светско клупско првенство. Според написот, ерата на Мурињо донесе повеќе непријателства отколку фудбал.

Судирите започнаа уште кога раководеше со Челзи. Во 2005 година, по елиминацијата од Барселона, Мурињо го обвини тренерот Франк Рајкард дека се сретнал со судијата Андерс Фриск во соблекувалната. Една година подоцна, го обвини Лионел Меси за симулации, по исклучувањето на Асиер дел Орно.

Тензиите продолжија и во Интер, особено во полуфиналето на Лигата на шампионите во 2010 година, кога „нероазурите“ ја елиминираа Барселона. Но, кулминацијата се случи за време на периодот 2010–2013 во Реал: обвинувања за фаворизирање на Барселона, судири со Пеп Гвардиола и озлогласениот гест кога Мурињо му стави прст во око на Тито Виланова.

Се чини дека португалецот повторно ја вжештува атмосферата пред „Ел Класико“, додавајќи задачи на тренерот Ханси Флик, кој треба да одолее на провокациите.