Битола под полициска “опсада” поради дербито Пелистер-Вардар

Блокирани улици и стотина полициски служвеници распределени се и задолжени за мир на вечерашниот фудбалски натпревар Пелистер – Вардар.

Натпреварот е прв кој ќе се одигра под рефлектори на стадионот под Тумбе кафе, откако беше изградена и трибината, со што се исполнија и условите за гостински навивачи.

Чкембари и Комити се веќе на стадионот, а градот е во очекување на фудбалскиот спектакл. Денеска во Битола исто како да беше празник. Градот живееше во зелено-бела боја.

Иако и двете екипи се на дното од табелата во ПМФЛ натпреварот тоа не го прави ни помалку неинтересен.

Почетокот е закажан за половина час, односно од 19 часот.