Фудбал
Дани Алвеш прв пат снимен по излегувањето од затвор, го носеше дресот на фудбалскиот великан (ВИДЕО)
Поранешниот бразилски фудбалер Дани Алвеш извесно време е на условен отпуст откако плати еден милион евра за да излезе од затворот во Барселона, а сега за прв пат е снимен на фудбалски терен.
Откако помина 14 месеци во затвор во Барселона поради сексуален напад, Дани Алвеш беше пуштен на условна слобода на 25 март и оттогаш се обидува да се врати на нормалните животни активности. За прв пат по ослободувањето, тој беше забележан во неговото „природно живеалиште“ – фудбалското игралиште.
— seguir a @juegosimple__ (@ssvideos8) September 4, 2024
Имено, Алвеш играше фудбал рекреативно во Барселона, а тоа го правеше преку специјална апликација која се користи за пронаоѓање играчи и противници без да се знае идентитетот на другите. Алвеш се појави во дресот на Бока Јуниорс, а очекувано набрзо го препознаа многу присутни, по што настана видеото. Инаку, Бразилецот никогаш официјално не ја завршил кариерата, но јасно е дека завршил со играњето фудбал на највисоко ниво. Последната работа му беше во мексиканскиот УНАМ, а претходно играше за Барселона, Сао Паоло, ПСЖ, Јувентус, Севиља и Баија. Тој остави најдлабока трага во Барселона со 408 настапи, а со 43 освоени трофеи во текот на кариерата е меѓу најтрофејните фудбалери на сите времиња. За репрезентацијата на Бразил има 126 настапи.
