Дефанзивецот на Барселона има психолошки проблеми!
Фото: BRUGES, BELGIUM – NOVEMBER 5: Ronald Araujo of FC Barcelona looks on prior to the UEFA Champions League 2025/26 League Phase MD4 match between Club Brugge KV and FC Barcelona at Jan Breydelstadion on November 5, 2025 in Bruges, Belgium. (Photo by Rene Nijhuis/MB Media/Getty Images)
Барселона му даде отсуство на дефанзивецот Роналд Араухо поради психолошки проблеми кои негативно влијаат на неговите перформанси во сезоната 2025/26, објави „ESPN“, повикувајќи се на извори од тимот.
Дваесет и шестгодишниот Уругваец одигра 15 натпревари за тимот во сите натпреварувања, добивајќи црвен картон во натпреварот од Лигата на шампионите против Челзи (0:3). Потоа го пропушти натпреварот од шпанското првенство против Алавес (3:1), а клубот првично се повика на стомачни проблеми.
Пред натпреварот од Ла Лига вечерва против Атлетико Мадрид, главниот тренер на Барселона, Ханс-Дитер Флик, појасни дека Уругваецот се соочувал со лични проблеми.
Извор од „ESPN“ потврди дека Араухо е физички подготвен за игра, но веќе некое време има психолошки тешкотии и побарал од раководството време за закрепнување.
Араухо игра за Барселона од октомври 2020 година.
Ла Лига
