Донарума: Тешко лето, сега ни треба позитивност

Џанлуиџи Донарума, голманот и капитен на Италија, верува дека „аѕурите“ ќе се квалификуваат на Европското првенство 2028, но бара промена на менталитетот по многу тешко лето: „Дали ќе одиме на Европското? Да. Потребен е многу позитивизам во амбиентот кој ќе го најдам во репрезентацијата.

Треба да свртиме нова страница, да бидеме повторно оптимисти и позитивни и да создадеме голема група. Само ние можеме да го направиме тоа, со поддршка на Италијанците кои ќе бидат со нас од првите натпревари на ‘Лигата на нации’. Ни се потребни, за да ја пренапишеме нашата историја“.

Донарума признава дека последното елиминирање беше болно: „Знам дека летото беше многу комплицирано, за мене и за сите. Да го гледаме Светското првенство на телевизор беше многу тешко, но треба да ја кренеме главата. Мораме да го направиме тоа, немаме друг пат“.

За враќањето на Роберто Манчини на клупата, тој рече: „Сигурен сум дека ќе ни даде многу ентузијазам и енергија за овие натпревари и квалификациите“.

Потсетувајќи се на финалето на Европското првенство 2021 на „Вембли“, Донарума го истакнува прегратката меѓу Манчини и Џанлука Виали по триумфот: „Тоа е слика што секогаш ќе ја носам со себе. Сигурен сум дека ќе се вратиме да правиме добри работи и да се квалификуваме на Европското и Светското првенство“.