Драма во Шпанија, голман тешко повреден, изнесен на носилки, а потоа директно во болница на операција (ВИДЕО)
Фото: tv21m
Селта и Лас Палмас го одиграа својот натпревар синоќа во шпанското фудбалско првенство, а се беше проследено со голема драма по дуелот помеѓу напаѓачот на Селта, Борха Иглесијас и голманот на Лас Палмас, Јаспер Силесен. Двајцата се судрија во 27. минута, а во таа прилика Иглесијас со колено го удри Силесен во стомакот, на кој долго време му се укажуваше лекарска помош.
🙏 Cillessen llega al hospital tras su choque con Borja Iglesias.
👉 El futbolista tiene perforado el intestino.
❤️ Recupérate pronto, @JasperCillessen. pic.twitter.com/i9sXahchBI
— El Chiringuito TV (@elchiringuitotv) March 31, 2025
Потоа на носилки го напуштил теренот, и веднаш бил пренесен директно во болница каде му била констатирана повреда на цревата. Новинарот Хосеп Педрерол од програмата „Ел Чирингито“ објави дека Силесен синоќа во Виго итно бил опериран поради пробиено црево. Исто така, како што објави новинарот Исак Футо, кој го следеше натпреварот за Movistar LaLiga на радио COPE во емисијата El Partidaso, голманот на Лас Палмас почнал да повраќа по сударот, пред да биде пренесен во болница.
