Две злата за македонските каратисти во Бразил!

 Македонската универзитетска карате репрезентација продолжи со успешните настапи на Светската универзијада во Бразилија, а третиот натпреварувачки ден донесе два медала во тимските кумите натпревари.

Македонскиот машки кумите тим прикажа извонредни борби во текот на целиот ден, а најголем впечаток остави во полуфиналето каде со одлична тактичка и борбена изведба ја совлада силната селекција на Турција и обезбеди пласман во големото финале. Во борбата за златниот медал против Шпанија, македонските каратисти повторно покажаа висок квалите, но овојпат мораа да се задоволат со сребрениот медал.

Успешен ден имаа и девојките во кумите тимска конкуренција. Со сигурни и убедливи победи против Австралија и Чиле, тие стигнаа до полуфиналната фаза и борба за медал. По поразот од силната репрезентација на Шпанија, македонските каратистки го освоија бронзениот медал и уште еднаш потврдија дека припаѓаат на самиот светски врв во универзитетското карате.