Екс селекторот е нов тренер на КК Маџари!

Финалистот на кошаркарскиот плејоф екипата на Маџари во новата сезона ќе биде предводена од Марјан Илиевски, кој ќе биде тренер и предводник на стручниот штаб. Тој е еден од коосновачите на клубот и идеолог на овој проект.

Маџари во новата сезона покрај настапот во домашните натпревари ќе игра и во АБА 2 лигата што ќе биде деби за клубот во едно регионално натпреварување.

Илиевски е едно од најквалитетните тренерски имиња во македонската кошарка, со значајно меѓународно искуство, а како тренер во Македонија работел во Лирија, Кожув, Блокотехна, АВ Охрид и Пелистер.

Воедно беше и селектор на македонска репрезентација.