Фенербахче се врати во Лигата на шампионите, нивниот фудбалер направи општ хаос на теренот, невиден скандал (ВИДЕО)
Повратокот на Фенербахче во Лигата на шампионите по 18 години остана целосно во сенка на скандалот и масовната тепачка што се случи по натпреварот против Лион на стадионот во Франција.
Во самиот центар на големите нереди се најде играчот за врска на турскиот тим, Матео Гендузи, инаку поранешен фудбалер на Марсеј, кој со провокациите ја вжешти атмосферата.
Гендузи уште за време на загревањето беше на мета на домашните навивачи, а ситуацијата дополнително ја заостри со покажување среден прст кон трибините.
🚨 Matteo Guendouzi'ye saldırmaya çalışan Lyon antrenörüne Fenerbahçe kafilesi koşarak gelip haddini bildiriyor..
pic.twitter.com/z3HJhqnQmb https://t.co/P6DRQfs2E8
— barkın (@barknedit) August 26, 2026
Вистински хаос настана по завршувањето на натпреварот, кога Гендузи ја прославуваше победата пред навивачите на Лион, извикувајќи „Напред, Марсеј!“ и имитирајќи ги познатите движења на марсејскиот рапер Жул.
Ваквото однесување предизвика жестока и бесна реакција кај фудбалерите на францускиот клуб, предводени од Павел Шулц и Рубен Клуиверт, кои веднаш тргнаа во пресметка со него.
🎥 Lyon-Fenerbahçe maçı sonrasında TV’ye yansımayan koridordaki kavganın görüntüleri! pic.twitter.com/3H44ZTUOgU
— Spor Bülteni (@sporbultenicom) August 26, 2026
Туркањето и конфликтот брзо прераснаа во општ хаос во тунелот на стадионот, а во масовната тепачка се вклучија играчи и членови на стручните штабови на двете екипи.
За време на конфликтот во тунелот беше повреден и тренерот на голманите на Лион, Антонио Фереира. Капитенот на Лион, Корентен Толисо, по натпреварот остро го осуди потегот на противничкиот играч и порача дека таквото однесување било непотребно.
„Му реков да остане скромен во победата и да слави со својот тим во соблекувалната, бидејќи нашите навивачи нè навредуваат секој викенд на гостувањата, па ние не реагираме така“, изјави Толисо.
Од друга страна, Гендузи се бранеше со тврдењето дека навивачите на Лион цели 90 минути му ги навредувале мајката и семејството и дека за него тоа било големо непочитување.
По сите немили сцени и скандалозните слики од Франција, се очекува брза и жестока реакција од Европската фудбалска унија (УЕФА).
