ФИФА покрена истрага за инцидентите во финалето на Мундијалот, на четворица Аргентинци им се закануваат големи казни!

Меѓународната фудбалска федерација (ФИФА) отвори истрага против четворица Аргентинци кои предизвикаа тепачка по финалниот натпревар на Светското првенство и поразот од Шпанија.

Дисциплинската комисија на ФИФА назначи дисциплински и етички обвинител кој треба да процени што се случило по последниот судиски свиреж на финалето на Светското првенство.

Секој играч или тренер вмешан во тепачката би можел да се соочи со суспензија, додека на Фудбалската федерација на Аргентина (AFA) ѝ се заканува парична казна.

Истрагата е отворена против аргентинските репрезентативци Науел Молина, Леандро Паредес, Тиаго Алмада и помошниот тренер Роберто Ајала.

ФИФА првично објави дека Паредес бил исклучен од судијата Славко Винчиќ откако го фатил шпанскиот играч Ерик Гарсија за врат и го турнал, но црвениот картон на Паредес набрзо потоа бил избришан од официјалниот записник.

Да потсетиме, Шпанија ја победи Аргентина во финалето по продолженијата со голот на Феран Торес со резултат 1:0 и по вторпат во историјата стана светски шампион.