Фиорентина очајна, Пиоли не сака да поднесе оставка

Стефано Пиоли одби да поднесе оставка од местото тренер на Фиорентина, додека шефот на тимот под 20 години и понатаму е кандидат за привремен тренер.

Да потсетиме, Фиорентина игра во очајна форма и моментално се наоѓа на 19. место, со само четири освоени поени во 10 одиграни натпревари.

Италијанските медиуми наведуваат дека Пиоли е подготвен да промени некои услови во неговиот моментален тригодишен договор со Фиорентина, но инсистира дека нема да поднесе оставка.

Како можни наследници на Пиоли се спомнуваат Рафаеле Паладино, а се спомнува и поранешниот капитен на Рома, Даниеле Де Роси.

Треба да се нагласи дека Фиорентина сè уште нема ниту една победа во сезоната.