Франција останува главен фаворит за мундијалскиот трон, португалскиот систем потфрла, смета Срѓан Захариевски

Во најновото издание на „Мундокаст“, поранешниот репрезентативец и актуелен тренер Срѓан Захариевски направи детална анализа на групната фаза од Светското првенство. Според него, Франција демонстрира најмодерен фудбал и останува главен претендент за титулата.

„Франција игра модерен, ‘атомски’ фудбал. Имаат огромна ротација и страшен квалитет во нападот – ако не игра Мбапе, тука е Дембеле или некој друг. Од друга страна, Португалија ме разочарува. Нивната игра наликува на онаа од пред десетина години, со петмина кои напаѓаат и не се враќаат во одбрана. Тоа е систем кој тешко поминува на модерните турнири каде доминацијата во средината на теренот е клучна“, истакна Захариевски.