Фудбалерот на Фиорентина кој колабираше е добро, но би можел да ја заврши кариерата, пронајдена лузна на неговото срце?!

Фудбалерот на Фиорентина, Едоардо Бове, кој колабираше на теренот против Интер минатиот викенд, би можел да ја заврши кариерата поради срцев удар. Лекарите прават детални прегледи, добрата вест е што Бове ја напуштил интензивната нега и е префрлен на кардиологија, а сите резултати ќе бидат познати за еден месец.

Медицинскиот тим спроведува целосна дијагностика, дури и генетскиот код на Бове, во обид да разјасни зошто колабирал за време на натпреварот. Враќањето на терените, барем во Серија А, е голем знак прашалник, иако тој веќе изрази желба да се врати. Мала лузна на срцето на Бове била откриена при повторување на магнетна резонанца и лекарите истражуваат дали проблемот е подлабок, пишува Газета дело спорт. Сигурно е дека ќе му биде вграден дефибрилатор, чија цел е да предизвика струен удар на срцето во случај на фатална аритмија и со тоа да го „ресетира“ отчукувањата на срцето.