Го обожавам многу затоа што никогаш не прави ништо погрешно, Луис Дијаз го откри најдобриот фудбалер на светот

Луис Дијаз нема никакви сомнежи дека Хари Кејн е најдобриот напаѓач во светот и целосно го заслужува да ја освои „Златната топка“. Колумбискиот крилен играч не се воздржа да го пофали својот соиграч, по победата на Баерн со 1-4 на гостувањето против ВфЛ Оснабрик, во рамките на Купот на Германија.

„Хари Кејн е најдобриот во светот, без сомнеж. Тој го покажа тоа во текот на целата измината сезона и долго време наназад. Вистината е дека тој може да направи сè. Го обожавам многу затоа што чувствувам дека никогаш не прави ништо погрешно.

Неговиот менталитет е неверојатен. За мене, тој е еден од главните претенденти за освојување на „Златната топка“. Се надевам дека ќе ја подигне и сите ќе бидеме среќни за него“, изјави Дијаз во интервју за ESPN по натпреварот.