Го одбил двапати Баерн: Откриен фудбалерот на Барселона кој ги оставил Баварците разочарани

Агентот на Дани Олмо, Енди Бара, во подкастот „Инкубатор“, како што пренесува шпанската весник „Спорт“, откри дека офанзивниот играч за врска на Барселона двапати го одбил Баерн Минхен.

Првата понуда пристигнала додека играчот настапувал за Динамо Загреб, пред неговиот трансфер од 20 милиони евра во Лајпциг во јануари 2020 година. Баерн се обидел повторно во летото 2024 година, но Олмо избрал да го финализира трансферот во Барселона, во зделка со вкупна вредност од 62 милиони евра.

„Тој одби Баерн по моја иницијатива кога беше во Динамо. Му реков: ‘Треба да направиш уште еден чекор’, и токму тоа се случи“, откри Енди Бара.

Агентот на Олмо призна дека изборот да се пресели во Барселона, првин предизвикал сомнежи, пред да се претвори во голем успех: „Подоцна, тој доби друга понуда од Баерн додека беше играч на Лајпциг. Барселона и други клубови беа заинтересирани.

Ние ја избравме Барселона, можеби не најдобриот избор на хартија, но се заврши добро за него потоа“, додаде Бара.