Голманот на Борнмут го исмеваше Милан по катастрофата од 3:0: Ми беше малку студено!

Голманот на Борнмут, Микеле Ди Грегорио, кој во Англија брани како позајмен од Јувентус, привлече внимание по убедливата победа на англискиот тим над Милан со 3:0, во натпреварот од третото коло на Лига Европа.

Милан го заврши натпреварот без ниту еден удар во рамките на голот, а по средбата Ди Грегорио се пошегува на сметка на неефикасноста на противникот.

„Милан со ниту еден удар во рамките на голот? Малку ми беше студено“, изјавил голманот, алудирајќи на тоа дека речиси и немал работа за време на натпреварот.

Борнмут поведе уште во седмата минута, кога Џастин Клајверт реализираше пенал. Во 28. минута, голманот на Милан, Мајк Мењан, доби директен црвен картон по ударот со рака во лицето на Тајлер Адамс, а англискиот тим доби нов пенал. Маркус Таверние беше прецизен од белата точка за 2:0, додека конечните 3:0 ги постави Амин Адли во 84. минута, со одличен гол од слободен удар.

По натпреварот, Ди Грегорио ја истакна и заслугата на своите соиграчи за зачуваната мрежа, нагласувајќи дека добрата одбрана е резултат на тимската игра.