И тоа е можно, по само еден одигран меч на СП, селектор доби отказ!

Овој 54-годишен стручњак доживеа вистински дебакл на отворањето на Светското првенство. Тунис во првиот натпревар прими пет гола од Шведска, а мечот заврши 5:1.

Исто така, Ламуши беше под голем притисок од јавноста и пристигна на Светското првенство, а неговата работа беше доведувана во прашање и пред самиот Мундијал. Очигледно поразот од Шведска беше капката што ја прелеа чашата.

Веста за неговото разрешување ја објавија туниските медиуми, но сè уште се чека официјална потврда. Реткост е некоја репрезентација среде натпреварување да го смени тренерот, особено по само првиот натпревар од групната фаза.

Извештаите од оваа земја тврдат дека челниците на Тунискиот фудбалски сојуз веднаш реагирале и се разделиле со поранешниот играч од средниот ред.

Новинарот Ромен Молина, кој работел за најреномирани медиуми како ESPN и BBC, известува: „Ова е крај за Сабри Ламуши на чело на туниската репрезентација“.

Ламуши ја презеде националната селекција претходно оваа година, откако Сами Трабелси замина по Африканскиот куп на нации, а негов наследник би можел да биде Вахби Казри, легенда на репрезентацијата.

Тунис следниот натпревар го игра во сабота, 20 јуни против Јапонија, а им преостанува и натпревар против Холандија, што значи дека за пласман понатаму ќе им бидат потребни барем едно или две големи изненадувања.