Ибрахимовиќ по скандалот ги „построил“ тренерот и капитенот на Милан, веднаш ја извршија наредбата
Фото: tv21m
Италијанскиот печат денеска објави повеќе детали за несогласувањата меѓу тренерот на Милан, Серхио Консеисао и дефанзивецот Давиде Калабрија на крајот од натпреварот против Парма (3:2), истакнувајќи дека Златан Ибрахимовиќ морал да интервенира за да се смират работите.
Davide Calabria speaks after #MilanParma 🗣️#SempreMilan pic.twitter.com/SOvT826jL3
— AC Milan (@acmilan) January 26, 2025
Португалскиот тренер и капитенот на Милан за малку ќе се пресметаа на крајот од натпреварот, а поранешниот шведски играч, сега менаџер на Милан, по јавното несогласување меѓу тренерот и играчите отиде директно во соблекувалната и ги „построи“ за да разговараат.
Post-match reaction from Sérgio Conceição 🎙️#MilanParma #SempreMilan pic.twitter.com/7MLahRXfaS
— AC Milan (@acmilan) January 26, 2025
Ибрахимовиќ потоа ги испратил Калабрија и Консеисао да зборуваат пред новинарите, за да не дојде до ескалација на проблемот, а потоа зборуваше со самиот Консеисао добри 30 минути, поради што португалскиот тренер доцнел на прес-конференцијата. Првично беше кажано дека на Консеиао не му се допаднала реакцијата на Калабрија по замената, но италијанските медиуми објавија дека гневот на тренерот произлегол од коментарите на еден играч за време на прославата на тимот. Во секој случај, Калабрија го направи она што го побара Ибрахимовиќ, зборуваше за новинарите и се обиде да ги смири работите.
