Икарди носталгично: Би ми се допаднало да се вратам во Интер, сакам да го завршам тој дел на друг начин

Мауро Икарди, сега 33-годишен, има постигнато 250 голови во својата кариера, почнувајќи со Сампдорија, па со Интер, ПСЖ и Галатасарај. Во моментов без клуб, тој со нетрпение го очекува враќањето на теренот.

Постојат две бои кои особено би сакал повторно да ги носи, сините и црните на Интер. „Никогаш не си замислував дека ќе се најдам во ваква ситуација, без клуб, но никогаш не сум избрал клуб само за да имам еден“, изјави аргентинскиот напаѓач.

„Имав понуди, но претпочитав да чекам наместо да се ангажирам во проект за кој не бев целосно убеден. Враќање во Интер би било посебно. Поминав важни години таму. Носењето на таа дреса и капитенската лента ми помогнаа да го изградат мојот карактер“, додаде Икарди.

Понатаму, тој коментираше: „Крајот беше болен и би сакал да го завршам тој дел на друг начин. Но, враќањето би имало смисла само ако постои заедничка обврска и заедничка цел за постигнување“.

„Уште имам многу да понудам; ако одам некаде, тоа е за да бидам корисен и да победам. Не би го променил она што го чувствувам за боите на Интер ни она што го имам дадено. Сепак, би го променил начинот на кој управував со некои моменти, особено кон крајот“, рече Икарди.

„Губењето на капитенската лента ми причини голема болка. Ја доживував како одговорност, како извор на гордост. Во тоа време, се соочував и со проблем со коленото, играјќи секој натпревар со инјекции само за да се справам со тешката болка. Фактот што тој сериозен проблем беше доведен во прашање, беше тешко да се прифати“, рече тој.

Аргентинецот, понатаму, изјави: „Денес, знам подобро да се изразам и да пристапам кон одредени ситуации со повеќе јасност. Прифаќањето на ова не го намалува она што го дадов за Интер; само покажува дека сум пораснал. Сè уште задржувам блиски односи со дел од моите поранешни соиграчи. Кога делиш години во соблекувалната, се создаваат силни врски. Тоа е една од убавите работи на фудбалот“.