Инфантино го моли Трамп да му ја спаси работата, но Трамп не му се јавува!
Претседателот на ФИФА, Џани Инфантино, побарал помош од администрацијата на Доналд Трамп за да ја зачува својата позиција, тврди „Њујорк пост“.
„Пост“ пишува дека Инфантино договорил приватна средба со американскиот државен секретар Марко Рубио, во момент кога расте притисокот да поднесе оставка поради неуспешниот план за продажба на комерцијалните права за Светското првенство на приватен фонд на Џош Кушнер.
Under-fire FIFA boss Gianni Infantino begs Trump White House to save his job, set for talks with Marco Rubio: sources https://t.co/gSLvEYBSE2 pic.twitter.com/Adch0xe2vo
— New York Post (@nypost) August 3, 2026
„Тој сакал да стапи во контакт со секретарот и да разговара за тоа како фудбалот може да служи како форма на ‘мека моќ’ за Америка“, изјавил извор запознаен со ситуацијата.
„Но, на сите им е јасно дека тука станува збор исклучиво за спасување на неговата позиција. Во овој момент ништо друго не е важно.“
Друг извор наведува дека швајцарско-италијанскиот спортски функционер се чувствува „изолиран“ поради серијата негативни медиумски написи и дека бара влијателни сојузници кои јавно би го поддржале.
Сепак, помошникот на американскиот државен секретар, Дилан Џонсон, го демантирал написот на „Њујорк пост“ за претседателот на ФИФА, наведувајќи дека „нема планови државниот секретар Марко Рубио да се сретне со Инфантино“.
There are no plans for @SecRubio to speak with Infantino and there is no call this morning.@nypost should check their sources or they could have just asked us. https://t.co/k4htVPkzar
— Dylan Johnson (@ASDylanJohnson) August 3, 2026
ИНФАНТИНО ГО ПОВИКАЛ ТРАМП, НО ТОЈ НЕ МУ СЕ ЈАВУВА
Извори тврдат дека 56-годишниот Инфантино, од петокот, кога пропаднал неговиот план за продажба на комерцијалните права, повеќепати безуспешно се обидел телефонски да го добие 80-годишниот Трамп.
„Пост“ прв објави дека обидот на Инфантино да ги издвои правата за преноси, спонзорства, лиценцирање и продажба на билети бил запрен по отпорот од фудбалските федерации ширум светот.
