Интер се договори со Енрике!

Интер веќе подолго време е во преговори со Енрике, кој ги избра Нероаѕурите пред Баерн. „Футмеркато“ пишува дека деталите од неговиот петгодишен договор сега се договорени и кариерата ќе ја продолжи на Сан Сиро, но сепак Интер допрва треба да се договори со Марсеј околу обештетувањето.

Понудата од 24 милиони евра плус 4 милиони евра бонуси веќе отиде на адреса на францускиот клуб. Од Интер се надеваат дека трансферот ќе биде комплетиран за Енрике да може да игра на Светското клупско првенство кое се одржува во средината на јуни и јули. 23-годишниот Бразилец забележа девет гола и осум асистенции во 32 настапи оваа сезона. Тој главно игра на десно крило, но може да игра и на спротивната страна. Неговиот договор со Марсеј е до јуни 2028 година, а во клубот пристигна од Трес Пасос во септември 2020 година за 8 милиони евра.