Интер со убедлива победа против Феенорд, Барселона и ПСЖ успешно ја завршија мисијата (ВИДЕО)
Интер ја оствари втората победа по ред во групната фаза на Лигата на шампионите. „Нероазурите“ извојуваа победа со 0-3 на гостувањето против Фејенорд. Интер го заврши првото полувреме со двојно водство, благодарение на головите на Јан Бисек во 8-та минута од силен удар во внатрешноста на шеснаесетникот и голот од глава на Пио Еспозито во 34-та минута. Во 54-та минута, Пјотр Зиелински го постигна третиот гол за Интер, со моќен удар на границата од шеснаесетникот.
На „Естадио де ла Керамика“ немаше простор за изненадувања, каде ПСЖ извојува 0-6 победа на гостувањето против Вилјареал. Актуелните шампиони постигнаа 4 гола во 17 минути во првото полувреме, Жоао Невеш 9′, Дезире Дое 11′, Сени Мајулу 13′ и Фабиан Руиз 17′. Шпанскиот играч за врска постигна уште еден гол на почетокот од второто полувреме. Фестивалот на голови го заокружи и 17-годишниот Давид Боли, кој влезе како замена во второто полувреме.
Барселона успешно ја заврши задачата на домашен терен, победувајќи со 3-0 Астон Вила. Каталонците го најдоа водството уште во 7-та минута преку Ламин Јамал, по грешка на англискиот тим во нивниот шеснаесетник. Рафинја продолжува со својата фантастична форма, постигнувајќи два гола во второто полувреме. Со двете постигнати голови против Астон Вила, Рафинја достигна 23 гола во Лигата на шампионите, надминувајќи го Ривалдо со 22 гола. Рафинја сега е четвртиот најдобар стрелец во историјата на Барселона во Лигата на шампионите.
