Каков гест на Иран, по мечот во соблекувалната оставиле порака за Американците (ФОТО)

Политичката ситуација на Блискиот Исток се прелеа и на фудбалскиот терен, па уште од самиот почеток е јасно дека репрезентацијата на Иран не е посакуван гостин на Светското првенство во САД, Мексико и Канада. Делува како домаќините свесно и постојано да им ја отежнуваат работата на иранските фудбалери, но овие момци не се откажуваат – и покрај сите пречки, веќе успеаја да освојат два големи бода.

Третман каков што никој друг нема

Поради ригорозните правила, на репрезентативците на Иран им е забранет престој на територијата на САД. Нивната официјална база се наоѓа во мексиканскиот град Тихуана, што значи дека веднаш по секој одигран натпревар мора експресно да ја напуштат Америка. Практично немаат време за одмор и закрепнување по натпреварите, но тоа не ги спречи да покажат неверојатна култура и достоинство.

По возбудливите дуели против Нов Зеланд и Белгија во Лос Анџелес, Иранците во соблекувалната оставија порака која со право стана вистински хит на социјалните мрежи. Овој гест, во најмала рака, би требало да ги засрами американските домаќини поради „гостопримството“ и третманот што му го приредија на азискиот национален тим.

Пораката од соблекувалната на стадионот во Лос Анџелес која го обиколи светот:

„Од древна Персија пред неколку милениуми, па сè до современото време, духот на Иран остана жив, горд и непоколеблив. Во Лос Анџелес дојдовме со гордост, се боревме чесно, а заминуваме со кренати глави. Му благодариме на Лос Анџелес за гостопримството. Исто така, му благодариме на секој Иранец кој во текот на овие 180 минути фудбал го остави своето срце, глас и душа за нашата земја. Нека меѓу сите народи во светот владеат мир, почит и пријателство.“

Esto es de una DIGNIDAD IMPRESIONANTE.
El plantel de Irán ya se fue de Los Angeles pero dejó una carta:

“Desde la Antigua Persia al Irán de hoy (…) vinimos a Los Angeles con orgullo, competimos con honor y nos vamos con dignidad”.
La lección que le están dando a EE.UU… pic.twitter.com/9d82ibnmcs

— Periodistán (@periodistan_) June 22, 2026